«Լուսավոր Հայաստան» կուսակցության նախագահ Էդմոն Մարուքյանը գրառում է արել Ֆեյսբուքի էջում: Նա, մասնավորապես, գրել է.
«Հարգելի՜ հայրենակիցներ,
թշնամին հարձակվել է մեր հայրենիքի վրա։
Այսօր լուսադեմից սկսած մի կողմ ենք թողել բոլոր ներքին տարաձայնությունները՝ մեկտեղելով մեր բոլորիս ջանքերը՝ հանուն մեր պետականության ու ռազմական նոր հաջողությունների։
Նպատակը մեկն է՝ ջարդել թշնամու ողնաշարը բոլոր ուղղություններով՝ ռազմականից մինչև դիվանագիտական։
Կեցցե՜, Հայ Ազգը, կեցցե՜ Արցախի Հանրապետությունը, կեցցե՜ Հայաստանի Հանրապետությունը, կեցցե՜ Հայոց Բանակը»։
