Կորոնավիրուսի դեմ ցմահ իմունիտետը կարող է ձևավորվել հիվանդության ծանր ընթացքի ժամանակ: Այս մասին հայտնել է Ռուսաստանի «Վեկտոր» վարակաբանության ու կենսատեխնոլոգիաների գիտական կենտրոնի գլխավոր տնօրեն Ռինատ Մակսյուտովը՝ տեղեկացնում է Belta-ն:
«Եթե մարդու մոտ վարակը թեթև կամ առանց ախտանշանների է անցել, ապա ամեն ինչ կախված է ձևավորված իմունիտետի մակարդակից»,- բացատրել է գիտնականը:
Իր հերթին՝ Գամալեյայի անվան կենտրոնի տնօրեն Ալեքսանդր Գինցբուրգը հայտնել է, որ վարակը թեթև անցկացրած պացիենտների մոտ պատվաստումից հետո ավելի արագ են արտադրվում հակամարմինները, քան նրանց մոտ, ովքեր չեն վարակվել:
