Որևէ մեկնաբանություն չեմ տալու մինչև նիստի ավարտը՝ ՍԴ նախագահի և փոխնախագահի ընտրության նիստից առաջ լրագրողներին ասաց ՍԴ դատավոր Վահե Գրիգորյանը: Հարցին, թե արդյոք կա՞ հավանական թեկնածու, նա բացասական պատասխան տվեց:
«Ոչ մի թեկնածու դեռ չկա»,- նշեց Գրիգորյանը:
Նշենք, որ այսօր կընթանա ՍԴ աշխատակարգային նիստը, և Սահմանադրական դատարանում դատավորները պետք է ընտրեն ՍԴ նախագահ և փոխնախագահ։ ՍԴ ինն անդամից յուրաքանչյուրը կարող է և՛ ինքնաառաջադրվել, և՛ առաջադրել այլ թեկնածուի:
