Աշխարհը հոգնել է անջատողական գծերից և պահանջում է զարգացնել համակողմանի փոխօգնություն և գործակցություն: ՄԱԿ-ի Գլխավոր ասամբլեայի բարձր մակարդակի միջոցառումներին ՀԱՊԿ երկրների անունից արված տեսաուղերձում հայտարարել է Ռուսաստանի Դաշնության արտգործնախարար Սերգեյ Լավրովը:
Նրա խոսքով՝ այսօր էլ աշխարհի տարբեր շրջաններում շարունակում են մոլեգնել ռազմական հակամարտությունները, որին այս տարի ավելացել է կորոնավիրուսի համավարակը: Նա հավելել է, որ համաշխարհային խնդիրներին արձագանքելը առավել դժվար է դարձել, և այս իրավիճակը մեծ հաշվով կապված է որոշ երկրների՝ այլ պետությունների օրինական շահերի հետ հաշվի չնստելու հետ:
