Իտալիայի առաջնության մեկնարկային տուրի՝ «Վերոնա» – «Ռոմա» խաղի արդյունքը կարող է չեղարկվել ու մայրաքաղաքայիններին տեխնիկական պարտություն գրանցվել` գրում է իտալական մամուլը: Պատճառը ֆուտբոլիստի սխալ հայտավորումն է:
Իտալական մամուլը գրում է, որ «Ռոման» հայտավորել է իր թիմի կիսապաշտպան Ամադու Դիավարային մրցաշրջանում մինչև 22 տարեկանների կազմի համար, մինչդեռ հուլիսի 17-ին լրացել էր նրա 23-ամյակը: Եթե ապացուցվի, որ «Ռոման» այս քայլին գնացել է միտումնավոր, Ա սերիայի ղեկավարությունը Մխիթարյանին ու թիմակիցներին կգրանցի տեխնիկական պարտություն և կտուգանի խոշոր գումարով: Սպասվում է, որ «Ռոման» կբողոքարկի որոշումը:
