Վրաստանում վերջին մեկ օրվա ընթացքում արձանագրվել է կորոնավիրուսով վարակման 187 նոր դեպք: Հարևան երկրում համավարակային վիճակագրական տվյալները հրապարակվել են Stopcov.ge պաշտոնական կայքում:
Վերջին 24 ժամում վարակից ապաքինվել է 46 մարդ: Սա բուժվածների ռեկորդային օրական ցուցանիշն է: Ընդհանուր առմամբ Վրաստանում ապաքինվել է 1481 պացիենտ:
Հարևան երկրում կորոնավիրուսով վարակման առաջին դեպքը գրանցվել է փետրվարի 26-ին: Ընդհանուր առմամբ Վրաստանում կա 3306 վարակված: Մահացության թիվը 19 է:
