Պաշտոնական այցով Եգիպտոսում գտնվող ՀՀ ԱԳ նախարար Զոհրաբ Մնացականյանը և նրա գլխավորած պատվիրակությունը սեպտեմբերի 14-ին այցելել են Կահիրեի Սբ․ Գրիգոր Լուսավորիչ եկեղեցի:
Նախարար Մնացականյանը Կահիրեի Հայ Առաքելական թեմի առաջնորդ Աշոտ Եպիսկոպոս Մնացականյանի ուղեկցությամբ շրջայց է կատարել եկեղեցական համալիրով, ծանոթացել համալիրի պատմությանը, դերին ու նշանակությանը եգիպտահայ համայնքի համախմբման գործում:
