Հայտնի են թենիսի ԱՄՆ-ի Բաց առաջնության տղամարդկանց մենապայքարի եզրափակչի մասնակիցները: Կիսաեզրափակչում ռուս թենիսիստ Դանիել Մեդվեդեևը զիջել է Ավստրիայի ներկայացուցիչ Դոմինիկ Տիմին: Հանդիպումը տևել է 2 ժամ, 53 րոպե: Ավստրիացին հաղթել է 6:2, 7:6, 7:6 հաշվով:
Եզրափակչում Տիմը կմրցի Գերմանիայի ներկայացուցիչ Ալեքսանդր Զվերևի հետ, ով, իր հերթին, կիսաեզրափակչում 3:6, 2:6, 6:3, 6:4, 6:3 հաշվով պարտության է մատնել իսպանացի Պաբլո Կարենյո-Բուստային:
Մրցաշարի վճռորոշ հանդիպումը կկայանա սեպտեմբերի 13-ին: ԱՄՆ-ի Բաց առաջնության գործող չեմպիոնն իսպանացի Ռաֆայել Նադալն է, ով համավարակի պատճառով հրաժարվել է մասնակցությունից: US Open-ն անցնում է առանց հանդիսականի:
