Արմավիր քաղաքում ընթանում են Կենտրոնական հրապարակին հարակից զբոսայգու կառուցման և բարեկարգման աշխատանքներ: Այս մասին հայտնում են Արմավիրի քաղաքապետարանից:
Աշխատանքներն իրականացվում են վարձատրվող հասարակական աշխատանք ծրագրի շրջանակներում՝ Արմավիրի քաղաքապետարանի հետ համատեղ:
Կառուցվում ու սալիկապատվում են ճեմուղիները, նախատեսված է անցկացնել լուսավորության համակարգ, տեղադրվելու են նստարաններ, աղբամաններ: Այգում նախատեսվում է կառուցել նաև շատրվան:
Այգու աշխատանքները նախատեսվում է ավարտել 2020 թվականի վերջին:
