Եվրամիությունը վեց ամսով՝ մինչև 2021-ի մարտի կեսը, երկարաձգում է Ուկրաինայի հարցով Ռուսաստանի նկատմամբ պատժամիջոցների կիրառումը: Այս մասին ասվում է Եվրախորհրդի հաղորդագրության մեջ՝ գրում է РИА Новости-ն:
«Այսօր Եվրախորհուրդը որոշում է կայացրել ևս վեց ամսով՝ մինչև 2021-ի մարտի 15-ը, երկարաձգել այն անհատների ու կազմակերպությունների նկատմամբ պատժամիջոցները, որոնք շարունակում են սպառնալ Ուկրաինայի անկախությանը, տարածքային ամբողջականության ու ինքնիշխանությանը»,-ասվում է ԵՄ հաղորդագրության մեջ:
