Չինաստանը կարողացել է հաղթահարել կորոնավիրուսի համավարակով պայմանավորված մարտահրավերները: Նման հայտարարությամբ է հանդես եկել երկրի նախագահ Սի Ծինփինը բուժաշխատողների մեծարման արարողությանը՝ գրում է Интерфакс գործակալությունը:
«Մենք անցել ենք արտակարգ, պատմական փորձությունների միջով»,- հայտարարել է Չինաստանի նախագահ Սի Ծինփինը:
Սի Ծինփինի խոսքով՝ Չինաստանն առաջինն է հաջողության հասել կորոնավիրուսի դեմ մարդկության պայքարում: Պաշտոնական Պեկինը հայտարարել է, որ Չինաստանն աշխարհում առաջատար է տնտեսության վերականգնման գործում:
