Վրաստանում մեկ օրում արձանագրվել է կորոնավիրուսով վարակման 25 նոր դեպք: Նախկին վարակվածներից 8-ն ապաքինվել ու դուրս են գրվել հիվանդանոցից: Այս մասին տեղեկացնում է կառավարության StopCov.ge կայքը:
Ընդհանուր առմամբ, հարևան երկրում գրանցվել է 1621 վարակված: Եվս 41 քաղաքացի բուժման նպատակով արտասահմանյան երկրներից բերվել է Վրաստան: Կորոնավիրուսի վարակից մահացածների թիվը հասել է 19-ի:
Ապաքինվածների ընդհանուր ցուցանիշը կազմում է 1302: Ներկայումս վարակից բուժվում է 292 պացիենտ: Կարանտինի մեջ է ավելի քան 6100 քաղաքացի:
