Սեպտեմբերի 5-ին և 6-ին Մոսկվան նշում է քաղաքի օրը: Քաղաքի տոնի առթիվ Ռուսաստանի մայրաքաղաքում կազմակերպվում են վարպետաց դասեր, մարզական միջոցառումներ, ներկայացումներ ու համերգներ:
Թեպետ երկրում կորոնավիրուսով պայմանավորված շատ սահմանափակումներ վերացվել են, այնուամենայնիվ, Մոսկվայի տոնական միջոցառումների բոլոր մասնակիցները պետք է սոցիալական հեռավորություն պահպանեն ու դիմակներ դնեն:
Մոսկվայի քաղաքապետ Սերգեյ Սոբյանինը մոսկվաբնակներին շնորհավորել է քաղաքի տոնի կապակցությամբ՝ ավելացնելով, որ Մոսկվայում համընդհանուր պատվաստումները կսկսվեն տարեվերջին կամ 2021-ի սկզբներին:
