Միջատասպան ցողաշիթի մեջ օգտագործվող քիմիական նյութը կարող է ոչնչացնել կորոնավիրուսի շտամը, որն առաջացնում է COVID-19: Նման եզրահանգման են եկել Մեծ Բրիտանիայի լաբորատորիայի գիտականները նախնական ուսումնասիրությունների արդյունքում՝ գրում է Japan Times պարբերականը:
Փորձագետների հավաստմամբ՝ քիմիական հեղուկի ամենաակտիվ բաղադրիչը՝ ցիտրիոդիոլը, ունի հակավիրուսային հատկություն, որը նվազեցնում է SARS-CoV-2-ը:
Ցիտրիոդիոլը պատրաստվում է էվկալիպտի ցիտրիոդորա ծառի տերևների ու ճյուղերի յուղից, որն աճում է Ասիայում, Հարավային Ամերիկայում ու Աֆրիկայում: Այն նաև հնարավորություն ունի ոչնչացնելու կորոնավիրուսի մյուս տեսակները:
