Լիբիայի Ազգային համաձայնության կառավարության և գեներալ Խալիֆա Հաֆթարի գլխավորած ազգային բանակի միջև կայացած համաձայնությամբ հաստատվել է հրադադարի ռեժիմ։ Ըստ այդ համաձայնության՝ 2021 թվականի մարտ ամսին ընտրություններ են տեղի ունենալու, և նավթի արդյունահանումը շարունակվելու է, հայտնում է Ermenihaber-ը։
Չնայած այս զարգացումներին՝ Հաֆթարի գլխավորած Լիբիայի ազգային բանակի խոսնակ Ահմեդ Միսմարին հանդես է եկել հայտարարությամբ, որում նշվում է, որ Լիբիայի Ազգային համաձայնության կառավարությունն ու Թուրքիան նախապատրաստվում են հարձակման: Խոսնակը վստահեցրել է, որ բանակը լիովին պատրաստ է հակահարված տալ այդ հարձակմանը։
