Հանգստյան օրերին ՀՀ բնապահպանության և ընդերքի տեսչական մարմնի ուշադրության կենտրոնում է ՀՀ մարզերում պատմամշակութային վայրեր այցելությունների, ուխտագնացության, էքսկուրսիաների ընթացքում պարետատան սահմանած հակահամաճարակային անվտագության կանոնների պահպանումը։
Օգոստոսի 22-ին ՀՀ Արագածոտնի մարզի Մուղնիի Սուրբ Գևորգ եկեղեցու, Արա լեռան, Ծաղկեվանքի, զբոսաշրջային հետաքրքրություն ներկայացնող այլ վայրերում տեսուչների կողմից արձանագրված հիմնական խախտումները եղել են մարդկային կուտակումները, դիմակը ոչ ճիշտ կրելը, անձանց միջև սոցիալական հեռավորություն չպահպանելը։
Դիմակ չկրելու դեպքերով ոստիկանները կազմել են արձանագրություններ։
Տեսչական մարմնի մասնագիտական խմբերի՝ հանրապետության ամբողջ տարածքում ամենօրյա խստացված ստուգայցերն ու մշտադիտարկումներն ուղեկցվում են պարբերաբար իրականացվող իրազեկման և բացատրական աշխատանքներով, նաև սանիտարահամաճարակային անվտանգության նորմերի պահպանման ցուցումներով։
