Վրաստանում վերջին մեկ օրվա ընթացքում արձանագրվել է կորոնավիրուսով վարակի 5 նոր դեպք: Ախտից ապաքինվել է 10 հիվանդ: Այս մասին հայտնել է Վրաստանի Առաջին ալիքը՝ հղում անելով կառավարության ստեղծած Stopcov.ge հատուկ կայքի հայտարարությանը:
Ընդհանուր առմամբ, հարևան երկրում կա 1283 վարակված, որոնցից ապաքինվել է 1068 հիվանդ:
Արտասահմանից բուժման նպատակով Վրաստան է ժամանել 41 քաղաքացի: Կարանտինային ռեժիմի մեջ է 7718 հիվանդ:
Ընդհանուր առմամբ, Վրաստանում կորոնավիրուսից մահացել է 17 մարդ:
