Հենրիխ Մխիթարյանի «Ռոման» լքեց պայքարը Եվրոպայի լիգայում: 1/8 եզրափակչում «գայլերը» 2:0 հաշվով զիջեցին իսպանական «Սևիլիային»:
Հայաստանի հավաքականի ու «Ռոմայի» կիսապաշտպան Հենրիխ Մխիթարյանը մրցաշարից դուրս մնալուց հետո մեկնաբանություն է տվել Roma TV-ին։
«Մենք փորձեցինք ցույց տալ մեր լավագույն որակները, բայց չհաջողվեց։ Առաջին խաղակեսում մենք չխաղացինք այնպես, ինչպես կարող էինք, երկրորդ կեսում ավելի լավ խաղացինք առաջին 15 րոպեներին, մենք պահեր ստեղծեցինք, բայց չկարողացանք դրանք եզրափակել»,- նշել է Մխիթարյանը։
