Հայաստանում քաղաքացիների 85%-ը կարծում է, որ մեր երկիրն այսօր ժողովրդավարական է, իսկ 6%-ը կարծում է, որ բնավ ժողովրդավարական չէ՝ պարզվել է «Կովկասյան բարոմետր 2019» հետազոտության արդյունքներով:
Լիովին ժողովրդավարական է՝ կարծում է հարցվածների 18%-ը, 30%-ը նշել է, որ ժողովրդավարական է, բայց աննշան խնդիրներով, 37%-ն էլ կարծում է, որ երկիրը դեմոկրատական է, բայց մեծ խնդիրներով: 2017-ի հետազոտության արդյունքների համեմատ թվերը փոխվել են: 2017-ին մեր երկիրը լիովին ժողովրդավար էր կարծում հարցվածների 3%-ը, իսկ 33%-ը բնավ ժղովրդավար չէր համարում:
