Ասֆալտապատում, սալապատում, խմելու և ոռոգման ջուր, սոցիալ-տնտեսական խնդիրներ. ահա օրակարգի այն հիմնական հարցերը, որոնք քննարկել եմ Մարտունու շրջանի համայնքների ղեկավարների հետ: Այս մասին Ֆեյսբուքի իր էջում գրել է ԱՀ նախագահ Արայիկ Հարությունյանը:
«Ի դեպ, այս պահին մեկնարկել են Ստեփանակերտ-Ննգի-Մարտունի մայրուղուց դեպի Բերդաշեն տանող 8,5 կմ և Ճարտար քաղաքի երկու հատվածներն իրար կապող 9 կմ երկարությամբ ճանապարհների ասֆալտապատման աշխատանքները: Առաջիկա օրերին կսկսենք Ստեփանակերտ-Կարմիր շուկա-Մարտունի մայրուղուց դեպի Հերհեր և Քերթ համայնքներ տանող ճանապարհների ասֆալտապատումը:
Վերանորոգվում է Ստեփանակեր-Կարմիր շուկա-Մարտունի հանրապետական նշանակության մայրուղին:
Եվ թվարկածս շրջանում իրականացվող պետական ծրագրերի մի հատվածն է միայն:
Բարեկեցիկ երկիր կառուցելու մեր տեսլականը պետք է շոշափելի դառնա մեր իսկ ամենօրյա աշխատանքով՝ ասֆալտապատ ու սալապատ ճանապարհներով, խմելու և ոռոգման ջրով, լուսավոր, հարմարավետ դպրոցներով և մանկապարտեզներով, ժամանցի ու հանգստի վայրերով, որակյալ, բարձր վճարվող աշխատանքով»- գրել է ԱՀ նախագահը:
