Կորոնավիրուսի տարածման տեմպն արագանում է Միացյալ Նահանգներից մինչև Բրազիլիա և Ավստրալիա՝ տեղեկացնում է Al Jazeera-ն:
Կանաչ մայրցամաքում արձանագրվել են վարակի, Բրազիլիայում՝ վարակի ու մահվան նոր ռեկորդներ: Իսկ Միացյալ Նահանգներում կորոնավիրուսից մահացության ցուցանիշը գերազանցում է 150 հազարը: Այս երկրում առավել մտահոգիչ է դրությունը Ֆլորիդա, Կալիֆոռնիա և Թեքսաս նահանգներում:
Ջոնս Հոփքինսի համալսարանի տվյալների համաձայն՝ ամբողջ աշխարհում կորոնավիրուսով վարակվածների թիվը հասել է 17 միլիոնի: Ախտից ապաքինվել է մոտ 10 միլիոն մարդ, ավելի քան 666000-ը մահացել են:
