Իրանի իսլամական հեղափոխության պահապանների կորպուսը Պարսից ծոցում և Հորմուզի նեղուցի արևմտյան հատվածում սկսել է ռազմական ուսումնավարժանքներ: Թեմային է անդրադարձել Sepah News-ը:
Պարբերականի հաղորդմամբ՝ ուսումնավարժանքներին մասնակցում են ռազմածովային և օդատիեզերական ուժերը: Զինավարժանքներին ներգրավված են նաև հրթիռային ստորաբաժանումներ և ԱԹՍ-ներ:
Նշվում է, որ ուսումնավարժանքների ժամանակ իրանական զինված ուժերը տվյալներ են ստանում Իրանի «Նուր» առաջին ռազմական արբանյակից, որը ուղեծիր էր հանվել այս տարվա ապրիլին:
