Այսօր՝ հուլիսի 27-ին, ՀՀ շուկայի վերահսկողության տեսչական մարմինը հերթական մշտադիտարկումը և կրկնայցերն իրականացրել է Երևան քաղաքի Նոր Նորք վարչական շրջանում: Ստուգայցերի ընթացքում որևէ էական խախտում չի հայտնաբերվել:
Մշտադիտարկման արդյունքները ցույց են տվել, որ Նոր Նորք վարչական շրջանի բոլոր դիտարկված շինանյութի առևտրի կետերում, բենզալցակայաններում, գազալցակայաններում ու խոշոր առևտրի կենտրոններում ինչպես առկա են եղել դիմակների ու ձեռնոցների համար նախատեսված փակ աղբամանները, սոցիալական հեռավորություն պահպանելու համար արվող գծանշումները, ջերմաչափերն ու ջերմաչափման գրանցամատյանները, այնպես էլ փակցված են եղել դիմակներ կրելը պարտադիր լինելու մասին իրազեկող թերթիկները: ՇՎՏՄ-ի կողմից մշտադիտարկումները ՀՀ ողջ տարածքում շարունակվում են:
Հիշեցնենք, որ տեսչական մարմինը պարետի՝ մայիսի 3-ի N 63 որոշման համաձայն՝ մշտադիտարկումներ է իրականացնում առևտրի կենտրոններում, տոնավաճառներում, շինարարական խանութներում, հեղուկ վառելիքի, սեղմված բնական կամ հեղուկացված նավթային գազերի մանրածախ առևտրի կետերում:
