Չիկագոյի ոստիկանության տվյալներով փոխհրաձգություն է տեղի ունեցել թաղման արարողության ժամանակ: Անհայտ անձինք կրակել են մեքենայից, արարողության մասնակիցներն էլ պատասխանել են կրակահերթին: Արդյունքում վթարի է ենթարկվել հանցագործների մեքենան, բայց նրանց հաջողվել է փախչել, հաղորդում է NBC Chicago-ն:
Փոխհրաձգության հետևանքով 14 մարդ է վիրավորվել, որից 11-ին տեղափոխել են հիվանդանոց: Նրանցից մի քանիսի վիճակը ծանր է:
Հարձակման դրդապատճառները դեռ հայտնի չեն: Ոստիկանությունը ձերբակալել է կրակոցների մասնակիցներից մեկին:
