Մադրիդի Ռեալը ֆուտբոլի Իսպանիայի առաջնության 2019/20 թթ. մրցաշրջանի ավարտից մեկ տուր առաջ հռչակվեց չեմպիոն։
«Արքայական» ակումբը 37-րդ տուրում Կարիմ Բենզեմայի դուբլի շնորհիվ 2-1 հաշվով հաղթեց «Վիլյառեալին» ու անհասանելի դարձավ 2-րդ տեղում ընթացող «Բարսելոնայի» համար։
«Ռեալը» իր պատմության ընթացքում 34-րդ անգամ է հաղթում Իսպանիայի առաջնությունում։ Վերջին անգամ Լա լիգայում «բլանկոսները» հաղթել էին 2016/17 թթ. խաղարկություններում։ Այդ ժամանակ ևս «արքայական» ակումբը գլխավորում էր Զինեդին Զիդանը։
