Հենրիխ Մխիթարյանի գոլի ու գոլային փոխանցման շնորհիվ Ա սերիայի 31-րդ տուրում «գայլերը» 2:1 հաշվով հաղթեց «Պարմային»։
Հռոմեացիների երկրորդ գոլի հեղինակ Ջորդան Վերետուն խաղից հետո նշել է, թե որքան կարևոր է Մխիթարյանի պես ֆուտբոլիստ թիմում ունենալը։
«3 պարտությունից հետո շատ կարևոր էր այս հաղթանակը թիմի համար, հատկապես՝ վստահություն ձեռք բերելու տեսանկյունից: Կարծում եմ՝ պետք է ավելի մեծ առավելությամբ հաղթեինք ու թույլ չտայինք «Պարմային» խաղի մեջ մնալ մինչև վերջին րոպեն: Մենք արդեն մտածում ենք «Բրեշիայի» դեմ կայանալիք խաղի մասին:
Մխիթարյանը մեծ ֆուտբոլիստ է. մեզ համար այդպիսի ֆուտբոլիստի կողքին խաղալը մեծ օգնություն է, շատ ենք լսում նրան ու սովորում: Մենք հզոր ու փորձառու ֆուտբոլիստներ ունենք մեր թիմում՝ Միկին, Ջեկոն, Կոլար
ովը, Ֆազիոն, Պերոտին»,- Վերետուի խոսքն է փոխանցում «Ռոմայի» պաշտոնական կայքը:
