Արտակարգ իրավիճակների նախարարությունից հաղորդում են, որ հունիսի 29-ից հուլիսի 5-ը ԱԻՆ ՓԾ ճգնաժամային կառավարման ազգային կենտրոնում գրանցվել է 577 դեպք, որից 379-ը՝ արտակարգ: Դրանց թվում են 272՝ հրդեհի, մեկ՝ ջրահեղձման, երկու՝ փլուզման, երկու՝ ուժեղ կարկուտի, մեկ՝ ուժեղ քամու, երկու՝ տեղատարափ անձրևի, երկու՝ որոնողափրկարարական դեպք, 72 ճանապարհատրանսպորտային պատահար, 11 ինքնասպանության փորձ, 33 օձի հայտնաբերման դեպք, ինչպես նաև՝ 117 կենցաղային կանչ. տուժել է 99 մարդ, իսկ փրկարարական օպերատիվ գործողությունների շնորհիվ փրկվել է երկու քաղաքացի:
Արձանագրվել է թունավորման ինը դեպք:
Ցավոք, նախորդ շաբաթվա ընթացքում ընդհանուր գրանցվել է ութ մահ:
Եղանակային պայմաններով և այլ գործոններով պայմանավորված՝ գրանցվել է տրանսպորտային միջոցների արգելափակման յոթ դեպք: Փրկարարներն օգնություն են ցուցաբերել 14 քաղաքացու և անվտանգ տարածք տեղափոխել ավտոճանապարհներին արգելափակված յոթ տրանսպորտային միջոց:
