Ամեն ինչ տանում է նրան, որ առնվազն մեկ անգամ արտակարգ դրությունը կերկարաձգենք, այսօրվա տեմպը ցույց է տալիս, որ այլ բան անել չենք կարող: Այդ մասին պարետատան նիստից հետո տեղի ունեցած ճեպազրույցի ժամանակ ասաց վարչապետ Նիկոլ Փաշինյանը:
Սակայն, ըստ վարչապետի, անընդհատ արտակարգ դրությունը երկարաձգել հնարավոր չէ, պետք է փորձել բալանսավորված լուծումներ գտնել:
«Մենք պետք է արտակարգ իրավիճակների մասին օրենսդրությունն այնպես կատարելագործենք, որ արտակարգ դրության ռեժիմի վերացման դեպքում կարողանանք գործիքներ ունենալ հակահամաճարակային քաղաքականություն վարելու համար»,- նշեց վարչապետը:
