«Զինված ուժերի զարգացման բավականին լավ տեմպ և որակ ունենք այսօր». վարչապետը վստահ է՝ Հայաստանի զինված ուժերն ի վիճակի են արձագանքելու բոլոր մարտահրավերներին:
Հայաստանի գլխավոր դիվանագետն Արցախում է. Մնացականյան - Հարությունյան - Մայիլյան հանդիպման օրակարգում Լեռնային Ղարաբաղի հիմնախնդրի շուրջ վերջին զարգացումներն են:
Կորոնավիրուսի այսօրվա թվերը. հաստատվել է 580 նոր դեպք, առողջացել է 451, մահացել 8 մարդ: Աշխարհի կորոնավիրուսի քարտեզում Հայաստանն այսօր 49-րդն է:
Լուրեր պարետատնից. հունիսից Հայաստանում օրական ավելի քան 2000 թեստ է արվում: Մոլեկուլային կենսաբանության ինստիտուտի պատրաստած թեստերն էլ արդեն տրամադրվել են Հիվանդությունների վերահսկման և կանխարգելման կենտրոնին:
Եվ Միացյալ Նահանգները նշում է Անկախության տոնը. 244 տարի առաջ այս օրը երկրի 13 գաղութներն անկախացան Բրիտանական կայսրությունից: Դոնալդ Թրամփին շնորհավորել են Հայաստանի նախագահն ու վարչապետը:
