Կարմիր խաչի ներկայացուցիչներն այցելել են Ադրբեջանում ձերբակալված Հայաստանի և Արցախի քաղաքացիներ Կարեն Ղազարյանին, Արայիկ Ղազարյանին և Արսեն Բաղդասարյանին:
Հայաստանում Կարմիր խաչի միջազգային կոմիտեի պատվիրակության հաղորդակցման ծրագրերի ղեկավար Զառա Ամատունին «Լուրեր»-ին հայտնել է, որ ԿԽՄԿ ներկայացուցիչները շարունակել են այցելել ձերբակալված անձանց այս ընթացքում ևս՝ մշտադիտարկելու նրանց պահման պայմանները, առողջական վիճակը: Հաշվի առնելով կորոնավիրուսով պայմանավորված սահմանափակումները` կոմիտեն պատկան մարմինների հետ երկխոսության ընթացքում հատուկ ուշադրություն է դարձրել համավարակի տարածման կանխարգելման միջոցառումների ուժեղացմանը:
