Ըստ ոստիկանության օպերատիվ հաղորդագրությունների ամփոփագրերի` հունիսի 15-16-ը Հայաստանի Հանրապետության ոստիկանության ծառայողները բացահայտել են հանցագործության 61 դեպք, որից 5-ը՝ նախկինում կատարված։
Մասնավորապես՝ խարդախության՝ 10, մարմնական վնասվածք հասցնելու` 9, անձնական ունեցվածքի գողության և թմրամիջոցի հայտնաբերման՝ 5-ական, ծեծի՝ 4, անձի առևանգման, յուրացման կամ վատնման, զենք-զինամթերքի առգրավման, համակարգչային հանցագործության, ծնողին երեխայից բաժանելու, սպանության սպառնալիքի և առանց լիցենզիայի արտարժույթի առուվաճառքի իրականացման՝ 2-ական, կողոպուտի, բնակարանային գողության, շորթման, ապօրինի կամ կեղծ ձեռնարկատիրության, հարկերից խուսափելու, դրամանենգության, պաշտոնեական լիազորությունների չարաշահման, պաշտոնեական կեղծիքի կամ անփութության ու առևտրային կամ այլ կազմակերպությունների ծառայողների կողմից լիազորությունների չարաշահման՝ 1-ական դեպք։
Գրանցվել է 1-ական անհետ կորած և հետախուզվող։ Կամավոր ներկայացել է 1-ը։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է մարմնական վնասվածք հասցնելու և անձնական ունեցվածքի գողության՝ 2-ական, և կողոպուտի 1 դեպք։
1 օրվա ընթացքում հանրապետությունում արձանագրվել է ճանապարհատրանսպորտային 8 պատահար, ինչի հետևանքով 13 մարդ ստացել է տարբեր աստիճանի մարմնական վնասվածքներ:
