Մի շարք թուրքական ընկերությունների պարտքը «Գազպրոմին» հասել է երկու միլիարդ դոլարի, և նրանք հրաժարվում են այն մարել, հայտնում է The Wall Street Journal-ը՝ վկայակոչելով իրավիճակին ծանոթ աղբյուրներին:
Խոսքը վերաբերում է յոթ ընկերություններին, որոնք երկարաժամկետ պայմանագրեր են կնքել, բայց անցյալ տարի համաձայնեցված ծավալից ընտրել են 15 տոկոսը, հետևաբար, վճարելու միջոցներ չունեն:
2019 թվականին «Գազպրոմի» առաքումները Թուրքիա տարեկան կտրվածքով նվազել են 35 տոկոսով՝ հասնելով 15,51 միլիարդ խորանարդ մետրի:
2020 թվականի սկզբին այս միտումը շարունակվեց: Մարտին Ադրբեջանը շրջանցեց Ռուսաստանին գազի մատակարարման հարցում: Իրանը, Կատարը և Ալժիրը նույնպես մեծ բաժին ունեն:
Ընդհանուր առմամբ, մարտին ռուսական գազի մատակարարումը Թուրքիա նախորդ տարվա նույն ժամանակահատվածի համեմատ նվազել է յոթ անգամ՝ 1,418 միլիարդից հասնելով 210 միլիոն խորանարդ մետրի: Դա տեղի է ունեցել՝ չնայած տարվա սկզբին «Թուրքական հոսքի» գործարկմանը:
