Թուրքիայում վերջին շրջանում ակտիվացել են 2023-ի հունիսին նախատեսված նախագահական և խորհրդարանական ընտրությունները իշխանությունների նախաձեռնությամբ ավելի շուտ անցկացնելու մասին խոսակցությունները։
Իշխող «Արդարություն և զարգացում» կուսակցության նախագահ Ռեջեփ Թայիփ Էրդողանը, սակայն, հերքել է այդ լուրերը և ընդգծել, որ այդ թեմայով միայն ընդդիմությունն է խոսում։ Մինչդեռ, ըստ վերլուծաբանների, Թուրքիայում բազմիցս եղել են արտահերթ ընտրությունների դեպքեր, և դրանք միշտ անցել են հենց իշխանության նախաձեռնությամբ, իրենց հարմար պահին:
Վերջին դեպքը եղել է 2018-ին, երբ հունիսի 24-ին անցկացվեցին 2019-ին նախատեսված համապետական ընտրությունները։
