ԱԺ «Իմ քայլը» խմբակցության պատգամավոր Գայանե Աբրահամյանը խորհրդարանական ճեպազրույցի ժամանակ անդրադարձավ համացանցում տարածված տեսանյութին, որում ոստիկանները բերման են ենթարկում անձի, որը դիմակ չի կրել:
Պատգամավորը նշեց, որ որևէ մեկը չի ժխտում, որ ոստիկանական համակարգն ունի արմատական բարեփոխումների անհրաժեշտություն:
«Ես մի պահը տեսա միայն, բայց տեսա՝ սկզբից ի վեր չի նկարված, թե ինչ է դրան նախորդել, ոստիկանության այս գործողությունը ինչից հետո է եղել: Ես բոլոր հանգամանքները կճշտեմ, բայց միայն այս հատվածը տեսնելով՝ մենք դատողություն անել չենք կարող»,- նշեց Աբրահամյանը:
