La Repubblica-ն հայտնում է, որ Իտալիայի առաջնության 2020/21 մրցաշրջանը կարող է անցկացվել այլ ձևաչափով։
Աղբյուրի փոխանցմամբ՝ եթե նոր մրցաշրջանը չսկսվի սեպտեմբերի 12-ին, ապա կարող է դիտարկվել տարբերակ՝ լիգան երկու դիվիզիոնի բաժանելու։ Իսկ խաղարկության ավարտին պետք է անցկացվի փլեյ-օֆֆ փուլ։
Հիշեցնենք, որ կորոնավիրուսի համաճարակի պատճառով ինչպես գրեթե բոլոր երկրների, այնպես էլ Իտալիայի առաջնությունը դադարեցվել էր։ Մարտից հետաձգված Ա-սերիան կվերսկսվի հունիսի 20-ին «Տորինո»-«Պարմա» խաղով։ Այդ օրը տեղի կունենա նաև «Վերոնա»-«Կալյարի» հանդիպումը։
