Փաստաբան Լուսինե Հակոբյանը, անդրադառնալով Ռոբերտ Քոչարյանի գործով ՍԴ դիմումի հիման վրա ՄԻԵԴ խորհրդատվական կարծիքին, երկու դիտարկում արեց:
«Մեկ` Հայաստանի Հանրապետության Սահմանադրական դատարանը լավ չի ընկալել Մարդու իրավունքների եվրոպական կոնվենցիայի 16-րդ արձանագրության բովանդակությունը, քանի որ ՄԻԵԴ-ին ուղղել է նաև այնպիսի հարցեր, որոնք, ըստ ՄԻԵԴ-ի, չեն համապատասխանում հիշյալ արձանագրության պահանջներին: Ավելին՝ դրանք հարցեր էին, որոնց պատասխանները կարելի է գտնել, օրինակ, ՄԻԵԴ-ի հրապարակած ստանդարտ ուղեցույցներում»,- 1lurer.am-ի հետ զրույցում ասաց Լուսինե Հակոբյանը:
