ՀՀ պետական վերահսկողական ծառայության կողմից «Հայաերոնավիգացիա» ՓԲ ընկերությունում իրականացված ուսումնասիրության հիման վրա ՀՀ գլխավոր դատախազությունում հարուցվել է քրեական գործ՝ ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերի (պաշտոնեական դիրքն օգտագործելով խոշոր չափերով յուրացում կան վատնում կատարելու), ՀՀ քրեական օրենսգրքի 179-րդ հոդվածի 3-րդ մասի 1-ին կետի (առանձնապես խոշոր չափերով յուրացում կան վատնում կատարելու) և ՀՀ քրեական օրենսգրքի 308-րդ հոդվածի 2-րդ մասի (պաշտոնեական լիազորությունների չարաշահում, որն անզգուշությամբ առաջացրել է ծանր հետևանքներ) հատկանիշներով:
Նախաքննության կատարումը հանձնարարվել է ՀՀ քննչական կոմիտեին՝ տեղեկացնում են ՊՎԾ-ից։
Հիշեցնենք՝ ավելի վաղ ՊՎԾ-ն հաղորդագրություն էր տարածել՝ տեղեկացնելով, որ ստուգումների արդյունքում բացահայտվել է, որ «Հայաերոնավիգացիա» ընկերության կողմից պետությանը շուրջ 613 մլն դրամի վնաս է պատճառվել:
