ԱԺ փոխնախագահ Ալեն Սիմոնյանը խորհրդարանում առաջարկ ներկայացրեց ոչ միայն խորհրդարանական, այլև արտախորհրդարանական ընդդիմությանը։
«Այս համավարակի հետ կապված մենք պետք է միասնական դիրքորոշում ցուցաբերենք, եթե անհրաժեշտ է՝ նույնիսկ ֆորմատներ հասկանանք և քննարկումներ անենք, որովհետև սա միասնական աղետ է, և ես առաջարկում եմ նաև դահլիճում գտնվող մեր գործընկերներին մտածել այդ ուղղությամբ և միասնական գործողություններ մշակել ու հասկանալ այս «պատերազմական իրավիճակում» քննարկելու և աշխատելու։ Եկեք ներքին ջենտլմենական պայմանավորվածություն ձեռք բերենք, որ Քովիդ-19-ի հետ կապված հարցերը խաղից դուրս կանոններ են և մեզ թույլ չեն տալու դա քաղաքական որևիցե նպատակով օգտագործել»,- նշեց Սիմոնյանը։
