Ամբողջ աշխարհում Covid-19-ով վարակվածների թիվն անցել է 5 միլիոնի սահմանը և այսօրվա դրությամբ կազմում է 5,198,307 մարդ՝ հայտնում է Worldometers կայքը: Այն տարածված է աշխարհի 213 երկրում։ 334,689 մահ է գրանցվել, իսկ շուրջ 2 միլիոն (2,083,318) մարդ էլ ապաքինվել է: Աշխարհում այս պահին ակտիվ դեպքերի թիվը 2,780,300 է, որի 2 տոկոսի վիճակը գնահատվում է ծայրահեղ ծանր:
Կորոնավիրուսով վարակման դեպքերի ամենամեծ ցուցանիշը մեկ օրվա ընթացքում երեկ գրանցվել է ԱՄՆ-ում. 28 հազարից ավելի դեպք: ԱՄՆ-ում վարակվածների թիվը հասել է 1,620,902-ի, որով աշխարհում առաջինն է, մահացել է 96,354 մարդ, առողջացել՝ 382,169 մարդ։
Ռուսաստանը վարակվածների թվով երկրորդ երկիրն է. այստեղ գրանցվել է վարակվելու 317,554 դեպք, մահացել է 3,099 մարդ, 92,681 մարդ էլ ապաքինվել է։
Վարակակիրների թվով երրորդ երկիրն աշխարհում Բրազիլիան է: Այստեղ երեկ գրանցվել է 17 հազարից ավելի դեպք: Ընդհանուր առմամբ երկրում գրանցվել է 310,921 դեպք, որից 20,082-ը ունեցել են մահվան ելք, իսկ 125,960-ը ապաքինվել են:
Վարակակիրներով աշխարհում չորրորդ երկիրը հանդիսացող Իսպանիայում նոր վարակների թիվը գնալով նվազում է: Երեկ իսպանիայում վարակի 593 նոր դեպք է գրանցվել: Ընդհանուր առմամբ վարակակիրների թիվը 280,117 է, մահացել է 27,940 մարդ, առողջացել է 196,958 մարդ։
Վարակակիրների թվով հինգերորդն աշխարհում Մեծ Բրիտանիան է: Միացյալ Թագավորությունում գրանցվել է 250,908 դեպք, որից 36,042 մարդ մահացել է: Ապաքինվածների մասին տվյալներ երկիրը չի հայտնում:
Համավարակի եվրոպական օջախը համարվող Իտալիան արդեն քանի օր է առաջատար հնգյակում չէ: Երեկ այս երկրում 642 նոր դեպք է արձանագրվել: ընդհանուր առմամբ՝ 228,006 դեպք է գրանցվել, 32,486 մահ, իսկ 134,560 մարդ էլ հասցրել է ապաքինվել նոր տեսակի կորոնավիրուսից:
Ֆրանսիայում վարակվածների թիվը 181,826 է, երեկ այստեղ շուրջ 200 նոր դեպք է գրանցվել: Ֆրանսիայում թագավարակից մահացել է 28,215 մարդ, առողջացել՝ 63,858 մարդ։
Գերմանիայում 179,021 մարդ է վարակվել, մահերի թիվը 8,309 է, առողջացել է 158,000-ը: այստեղ երեկ գրանցվել է շուրջ 490 նոր դեպք:
Թուրքիայում կորոնավիրուսի վարակի գրանցված դեպքերի թիվը 153,548 է. այստեղ մահացել է 4,249 մարդ, ապաքինվել՝ 114,990-ը:
Հարևան Իրանում 129,341 ընդհանուր դեպք կա: 7,249 մարդ մահացել է, իսկ շուրջ 100 հազար մարդ՝ ապաքինվել:
Ադրբեջանում 3,749 վարակված կա, վ հոգի մահացել է: Վրաստանում 723 վարակակիր կա, 12-ը մահացել են, 495 մարդ՝ ապաքինվել։
Վարակի հայրենիքում՝ Չինաստանում, այսօր 4 նոր դեպք է գրանցվել: 82,971 վարակվածներից ապաքինվել է 78,255 մարդ, իսկ 4,634 մարդ՝ մահացել: Ընդհանուր առմամբ Չինաստանում մնացել է 82 վարակակիր:
