Վրաստանում, անցած մեկ օրվա ընթացքում հաստատվել է Covid-19 վարակի 19 նոր դեպք, ապաքինված հիվանդների թիվը 10-ն է, հայտնում է կառավարության Stopcov.ge կայքը:
Վարակվածների ընդհանուր թիվը `671 է, նրանցից 265-ը բուժվում է, 393-ը ապաքինվել է և դուրս գրվել հիվանդանոցներից, 12 հիվանդ մահացել է: 3,873 մարդ գտնվում է կարանտինի և մեկուսացման մեջ, 404-ը հիվանդանոցներում են՝ բժիշկների հսկողության ներքո:
Կորոնավիրուսի նոր դեպքերը գրանցվել են Բոլնիսում և ըստ Վրաստանի հիվանդությունների վերահսկման ազգային կենտրոնի ղեկավար Ամիրան Գամկրելիձեի՝ նախատեսվում է թեստավորել Բոլնիսի բնակչությանը՝ պատահական ընտրության սկզբունքով:
