Մինսկը շարունակում է ամրապնդել գործակցային հարաբերություններն ԱՄՆ-ի հետ: Բելառուսը սկսում է նավթի մատակարարումը Ամերիկայի Միացյալ Նահանգներից: Իսկ դա հնարավոր դարձավ 2020 թ. փետրվարի 1-ին Մինսկում Բելառուսի Նախագահ Ալեքսանդր Լուկաշենկոյի և ԱՄՆ պետքարտուղար Մայք Պոմպեոյի հանդիպման ժամանակ ձեռք բերված պայմանավորվածության արդյունքում:
Ըստ Բելառուսի արտգործնախարարի, ամերիկյան նավթի մատակարարումը «պետության ռազմավարության մի մասն է ՝ մատակարարման աղբյուրները դիվերսիֆիկացնելու և նավթի կայուն գործունեությունն ապահովելու համար»:
Իր հերթին Մայք Պոմպեոն հաստատել է, որ Միացյալ Նահանգները պատրաստ է բավարարել Բելառուսի էներգետիկ կարիքները:
