Ապրիլի 22-ին Լիտվայի կառավարությունը որոշում էր կայացրել Արևելյան գործընկերության անդամ չորս երկրների, այդ թվում՝ Հայաստանին, կորոնավիրուսի դեմ պայքարում աջակցելու համար հատկացնել ընդհանուր արժողությամբ 100 000 եվրոյի օգնություն՝ լիտվական ընկերությունների արտադրած բժշկական պարագաների տեսքով։
Մայիսի 14-ին լիտվական ռազմական օդանավով Հայաստան փոխադրված 10 600 պաշտպանիչ դիմավահանները (3000-ը` բուժանձնակազմի օգտագործման, իսկ 7600-ը՝ բացօթյա կամ ոչ բժշկական բնույթի ծառայություն իրականացնող այլ մասնագետների համար) Լիտվայի կառավարության անունից Հայաստանում Լիտայի դեսպան Ինգա Ստանիտե-Տոլոչկիենեն փոխանցել է ՀՀ առողջապահության նախարարի տեղակալ Անահիտ Ավանեսյանին և արտաքին գործերի նախարարի տեղակալ Ավետ Ադոնցին:
«Մենք բարձր ենք գնահատում մեր գործընկերների աջակցությունը և բարեկամական այս քայլը համավարակի դեմ մեր միասնական պայքարում»,- ասվում է հայտարարությունում:
