Ամբողջ աշխարհում կորոնավիրուսի հետևանքով մահացել է 292 893 մարդ: Այս մասին են վկայում Worldometers կայքի տվյալները:
Նշվում է, որ այս պահին վարակված է 4,342,345 մարդ, նրանցից ապաքինվել է 1,602,441-ը, ակտիվ վարակակիր է 2,447,011-ը:
ԱՄՆ-ն կորոնավիրուսով վարակվածների թվով առաջինն է աշխարհում: Միացյալ Նահանգներում վարակված է 1,408,636 մարդ: ԱՄՆ-ին հաջորդում են Իսպանիան, Ռուսաստանը, Մեծ Բրիտանիան, Իտալիան, Ֆրանսիան, Բրազիլիան, Գերմանիան, Թուրքիան, Իրանը:
Մահացության ցուցանիշով ԱՄՆ-ն նույնպես առաջին տեղում է՝ 83,425 մարդ: Հաջորդում են Մեծ Բրիտանիան՝ ավելի քան 32 000, Իտալիան՝ ավելի քան 30 000, Ֆրանսիան և Իսպանիան՝ երկուսն էլ ավելի քան 29 000 մարդ:
Հիշեցնենք, որ առողջապահության համաշխարհային կազմակերպությունը մարտի 11-ին կորանավիրուսը համավարակ է հայտարարել: Այն տարածվել է աշխարհի բազմաթիվ երկրներում:
