Արցախի Հանրապետության առողջապահության նախարարությունից հայտնում են, որ Համաճարակաբանության և հիգիենայի կենտրոնի աշխատակիցները Շահումյանի շրջանի տարբեր համայնքներում ախտահանման և նոր կորոնավիրուսի թեստավորման աշխատանքներ են իրականացրել:
Արցախի տեղեկատվական շտաբի փոխանցմամբ՝ նախորդ օրերին արձանագրված դեպքերի շփման շրջանակը ճշտված է: Առկա օջախը մեկուսացնելու նպատակով թեստավորվել է 75 մարդ, որոնց հետազոտության արդյունքները հայտնի կլինեն առաջիկայում:
Հիշեցնենք, որ ավելի վաղ, ԱՀ պարետի որոշումներով, սահմանափակումներ էին մտցվել Շահումյանի շրջանի Նոր Վերինշեն, Նոր Բրաջուր համայնքներում և Քնարավան համայնքի Չափնի գյուղում:
Տեղեկացնենք, որ առ այսօր իրականացվել է 434 թեստավորում:
