Միացյալ Նահանգներում կորոնավիրուսով վարակվածության մահացության թիվը կարող է կազմել մոտ 100 հազար, ինչը զգալի բարձր ցուցանիշ է նախկին կանխատեսումների համեմատ: Նման խոստովանություն է արել ԱՄՆ նախագահ Դոնալդ Թրամփը Սպիտակ տանը տեղի ունեցած ճեպազրույցի ժամանակ՝ գրում է ТАСС -ը:
«Հուսանք, որ մեր երկրում մահացության թիվը 100 հազարից ցածր կլինի, ինչը, ամեն դեպքում, սարսափելի ցուցանիշ է»,- հայտարարել է Թրամփը:
Ավելի վաղ ԱՄՆ նախագահը հայտարարել էր, որ, ամենայն հավանականությամբ, կորոնավիրուսային վարակը կխլի մոտ 60-65 հազար մարդու կյանք: