Ռուսաստանում կորոնավիրուսով վարակվածների ընդհանուր թիվը գերազանցել է 106 հազարը: Մեկ օրվա ընթացքում վարակի դեպքերն ավելացել են 7099-ով, ինչը ռեկորդային ցուցանիշ է: Վարակվածների գրեթե 40 տոկոսն ախտանշաններ չունի: Այս մասին տեղեկացնում են Ռուսաստանի Դաշնության հիվանդության տարածման դեմ պայքարի օպերատիվ շտաբից՝ գրում է РИА Новости-ն:
Վերջին 24 ժամվա ընթացքում մահացել է 101 մարդ, ապաքինվել է 1333 հիվանդ:
Ընդհանուր առմամբ, Ռուսաստանում զոհերի թիվը հասել է 1073-ի, բուժվել է 11.619 մարդ:
