Սիրիայի հակաօդային պաշտպանության համակարգերը խոցել են Իսրայելի օդուժի արձակած մի քանի հրթիռ, որոնք թիրախավորել էին արաբական երկրի կենտրոնական Հոմս շրջանում գտնվող պատմական Պալմիրա քաղաքը: Այս մասին տեղեկացնում է Al Jazeera-ն՝ հղում կատարելով Սիրիայի պետական լրատվամիջոցին:
«Հակաօդային պաշտպանությունը Պալմիրայում առճակատվել է Իսրայելի ագրեսիայի հետ ու խոցել թշնամու մի քանի հրթիռ»:
SANA գործակալությունը նշում է, որ հրթիռները ոչնչացվել են նախքան որևէ օբյեկտի թիրախավորումը:
