Արարատի մարզպետ Գարիկ Սարգսյանը Ֆեյսբուքի էջում գրառում է կատարել և տեղեկացրել, որ ավարտվել են Այգեզարդ համայնքի՝ շուրջ երկու կիլոմետր երկարությամբ ճանապարհահատվածի ասֆալտապատման աշխատանքները։ Առաջիկա ամիսներին շահագործման կհանձնվի Նորաշեն-Դվին ճանապարհահատվածը։
«Ուրախությամբ տեղեկացնում եմ, որ Այգեզարդ համայնքում ավարտվել են ասֆալտապատման աշխատանքները (2.1 կմ)։ Համայնքի փողոցները հիմնանորոգվել են Համաշխարհային բանկի և ՀՀ կառավարության միջոցներով իրականացվող «Կենսական նշանակության ճանապարհային ցանցի բարելավման լրացուցիչ ֆինանսավորում» ծրագրի շրջանակներում։
Նշեմ, որ այս պահին ընթացքի մեջ է Տ-2-30-Նորաշեն-Դվին-Հ-9 (2.7 կմ) ճանապարհահատվածի ասֆալտապատումը, որը նույնպես շահագործման կհանձնվի առաջիկա ամիսների ընթացքում։
Այս տարի վերոնշյալ ծրագրի շրջանակներում կհիմնանորոգվի նաև Նորամարգի ճանապարհահատվածը՝ մոտ 4 կմ երկարությամբ։
Ծրագրով 2019 թվականին մարզում հիմնանորոգվել և շահագործման են հանձնվել Արտաշատ-Վերին Արտաշատ-Նորաշեն (1.4 կմ)‚ Տ-2-33-Դեղձուտ (1.36 կմ)‚ Տ-2-30-Վերին Արտաշատ-Հնաբերդ-Գետազատ (2.7 կմ) ճանապարհահատվածները»,- տեղեկացրել է Արարատի մարզպետը:
