Արտաշատի բժշկական կենտրոնից14-օրյա ստացիոնար բուժօգնություն ստանալուց հետո՝ առողջացած դուրս են գրվել COVID-19 ախտորոշմամբ 83-ամյա և 75-ամյա երկու պացիենտներ։ Այս մասին ասվում է ԲԿ-ի ֆեյսբուքյան էջում արված հայտարարության մեջ։
«75-ամյա տղամարդու հետ նույն ախտորշմամբ բուժօգնություն է ստացել նաև նրա 65-ամյա կինը: Հիվանդությունը հաղթահարած մեր պացիենտներին, ովքեր այս ողջ օրերի ընթացքում շրջապատված են եղել մեր բուժանձնակազմի հոգատարությամբ ու ջերմությամբ, մաղթում ենք ամուր առողջություն և երկար տարիների երջանիկ կյանք»,- նշված է հայտարարության մեջ:
