Առողջապահության համաշխարհային կազմակերպությունը հայտարարել է, որ անցյալ շաբաթվա ընթացքում Աֆրիկա մայրցամաքում կորոնավիրուսի վարակման դեպքերն աճել են 51 տոկոսով: Թեմային է անդրադարձել Euronews-ը:
ԱՀԿ-ի կանխատեսումների համաձայն՝ նոր տեսակի վարակի էպիկենտրոնը Եվրոպայից կտեղափոխվի Աֆրիկա:
Միաժամանակ ԱՀԿ ղեկավարը հայտնել է, որ կարանտինային ռեժիմի սահմանման դեպքում կփակվեն նաև շուկաներն ու խանութները, որոնք միլիոնավոր մարդկանց կենսապահովման հիմնական աղբյուրն են: Այդ պարագայում Աֆրիկա մայրցամաքում, բացի վարակի դեմ պայքարից, անհրաժեշտ կլինի պայքարել նաև սովի դեմ, ինչը ԱՀԿ ղեկավարի հավաստմամբ՝ ավելի մեծ ու լուրջ մարտահրավեր է:
